Parkpilot në pjesën e përparme dhe të pasme
Mund të paralajmërojë me sinjal akustik gjatë parkimit për pengesat e zbuluara përpara dhe prapa, dhe gjithashtu tregon në mënyrë vizuale distancën nga pengesat në ekran.
Asistenti për mbajtjen e korsisë (Lane Assist)
Ky sistem bashkon disa komponentë dhe përfshin paralajmërimin për daljen nga korsa, ndihmën për mbajtjen e korsisë dhe njohjen e lodhjes. Përmes një kamere multifunksionale, mund të zbulojë korsinë në të cilën po lëviz automjeti dhe nga 60 km/h korrigjon largimin e paqëllimshëm të tij nga korsia me kthim automatik të timonit. Shoferi paralajmërohet njëkohësisht me një sinjal zanor dhe një tregues në ekranin multifunksional.
Asistenti inteligjent i shpejtësisë
Mund të zbatojë automatikisht kufizimet e shpejtësisë, për shembull në zona ndërtimi të përkohshme, dhe pas heqjes së kufizimit rikthen shpejtësinë në nivelin fillestar të vendosur.
Rregullimi automatik i distancës ACC (Active Cruise Control)
Ndihmon për të ruajtur distancën e duhur nga automjeti përpara dhe në trafikun me ngadalësim ose në bllokim, pas ndalimit të shkurtër rikthen lëvizjen. Versioni ACC+ për automatikë lejon frenimin total të automjetit, ndërsa në manual përdoret versioni standard ACC që kërkon ndërrim të duhur të marshit për të shmangur fikjen e motorit gjatë frenimit.
Asistenti për parkim me drejtim automatik (Park Assist Plus)
Ky sistem automatikisht ndihmon në parkimin dhe daljen nga vendparkimi. Mund të kryejë parkim shumë-fazor në vende parkimi paralelë. Pas vendosjes në marshin e prapëm, automjeti merr kontrollin e drejtimit, ndërsa shoferi kontrollon vetëm gazin dhe frenën, dhe mbikëqyr procesin, duke ndërhyrë nëse është e nevojshme. Mund të ndihmojë edhe gjatë daljes nga vendparkimi. Në rast afërsie kritike me një automjet tjetër, nëse shoferi nuk reagon ndaj paralajmërimit, mund të ndërhyjë frenimi automatik.